RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Fréttir (141)
14.12.05   11444 
14.12.05   14747 
20.07.05   17120 
04.01.05 *  12668 
17.11.04   14669 
27.09.04   13897 
23.09.04   12550 
23.09.04   13058 
14.09.04   13447 
10.09.04   14747 
 13 af 15   
Til bakaTil bakaPrentvæn útgáfa152 mál til RNS á árinu 2004, kynningarátak að skila sér.
 

Tilkynningar og skráning á málefnum til nefndarinnar hafa ekki verið fleiri frá upphafi starfsemi hennar.  152 málefni voru skráð hjá RNS á árinu 2004 en meðaltal síðastliðna 10 ára eru um 117 mál á ári.  Það merkir þó ekki að um fleiri slys hafi verið að ræða heldur er um að ræða betri og skilvirkari tilkynningar frá ýmsum aðilum til nefndarinnar.  RNS hefur undanfarin ár verið með sérstakt kynningarátak sem ljóst er að er að skila árangri.

 

Á árinu hafa verið haldnir átta fundir og 116 málum hefur verið skilað með nefndaráliti, ekki ályktað í 74 málum og skilað inn til Siglingastofnunar 16 tillögum í öryggisátt.  Eftir er að vinna um 30 mál sem skráð hafa verið hjá nefndinni.

 

Á töflunni má sjá grófa flokkun á eðli mála í samanburði við síðastliðinn tíu ár.

 

 

Eins og fram kemur í töflunni er talsverð aukning á málefnum eins og þegar að skip sekkur, strandar og leki kemur að því.  Í 6 tilfellum af 11 þegar bátar hafa sokkið var um að ræða óvæntan leka í vélarúmi.  Önnur tilfelli þegar skip hafa sokkið eru vegna strands, elds og annarra ástæða.  Önnur lekatilfelli eru flest vegna óvæntra leka í vélarúmi.  RNS hefur haft sérstakar áhyggjur af þessum tíðu lekavandamálum í skipum sem gerir jafnvel ekki vart við sig fyrr en allt er um seinan.  Hún hefur því gert tillögu í öryggisátt um leka aðvörun í öll skip og er Siglingastofnun Íslands með það málefni til úrvinnslu.

 

Þrjú dauðsföll voru á árinu, eitt þegar bátsverji fór útbyrðis með veiðarfærum og drukknaði og annað þegar að maður fannst látinn í sjó við bát sinn í höfn.  Ekki eru ljós dánarorsök hans.  Þá lést annar skipverjinn á kanadískri skútu sem sökk á Faxaflóa vegna óþekkts leka, hinum var bjargað.

 

Tilkynnt slys á sjómönnum til Tryggingastofnunar ríkisins á árinu eru 311 og er það talsvert minna en á sama tíma í fyrra, eða 350.  Meðaltal tilkynntra slysa til Tryggingastofnunar ríkisins undanfarin 10 ár eru 397.  Þetta er ánægjuleg þróun en samt er þetta um það bil 5 – 6% af öllum sjómönnum, sem er of mikið.  Markmið RNS er að ná til sín og skrá öll atvik enda skylda allra aðila að tilkynna öll óhöpp og slys á sjó til hennar.

 

Á árinu var gefin út prentuð skýrsla RNS fyrir árin 2000 og 2001.  Hingað til hafa skýrslurnar verið gefnar út nokkrum árum eftir og eru áform um að breyta því sem fyrst og gefa þær út árlega.  Skýrslurnar fyrir 2000 og 2001 voru að þessu sinni gefnar út í sama broti og með breyttu sniði.  Í fyrsta skipti voru þær gefnar út í stækkuðu broti og er það von nefndarinnar að það mælist vel fyrir.  Reiknað er með að skýrslur fyrir árin 2002 og 2003 verði gefnar út í mars og verði þær með sama sniði.  Á árinu 2006 verði skýrslur fyrir 2004 og 2005 gefnar út og eftir það þ.e. 2007 verði svo komið að árskýrslur verði útgefnar árlega.

 

 

 

 

 
 
 Heimsóknir: 12669 Uppfært: 05.01.05 
Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [3.235.30.155] föstudagur 03. apríl 2020 04:46 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis