RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2716)
056/04  91994-23.09.04
003/04  99672-23.09.04
004/04*  113054-23.09.04
046/04  119210-23.09.04
018/00  128907-23.09.04
114/00  139384-23.09.04
 272 af 272   
Til bakaTil bakaPrentvæn útgáfa 004/04  - Björgvin EA 311
  Björgvin EA 311, skipverji slasast á togveiðum   
 Heimsóknir: 113055 Uppfært: 23.09.04 

  Björgvin EA 311
Skipaskr.nr.: 1937
Smíðaður: Flekkefjord Noregi 1988 stál
Stærð: 498,80 brl; 1.142,00 bt
Lengd: 50,53 m Breidd: 12,00 m Dýpt: 7,30 m
Vél: Dautz 1.850,00 kW Árgerð: 1988
Annað: 
Fjöldi skipverja: 20 

Björgvin©Jón Páll Ásgeirsson 
 

 Atvikalýsing
 

Þann 7. desember 2003 var Björgvin EA 311 á togveiðum, blandað af ísfisk og frystingu á Reyðafjarðardýpi.  Veður: Hægviðri.

 

Skipverjar voru að hífa inn trollið og voru að hífa upp bakstroffu á toghlera þegar vír á upphalaraspilinu slitnaði.  Við það féll upphalarakeðja niður og sveiflaðist yfir vír fyrir öryggislínur með þeim afleiðingum að endi hennar slóst til hliðar og upp og lenti lás á endanum í andlit eins skipverjans sem var við störf á þilfarinu.

 

Siglt var með skipverjann til hafnar á Neskaupstað þar sem gert var að sárum hans.

 
 

 Við rannsókn kom fram
 
  • að vírinn sem slitnaði var 8 mm og nýlegur.  Verið var að hífa um það bil 50kg að mati skipstjórans og þurfti að skipta um hann um það bil 3-4 sinnum á ári.  Fram kom að þessi gerð af vír hafði verið notuð á skipinu síðastliðin 16 ár;
  • að vírinn fór inn á litla trommlu og skemmdist þar.  Upphalarakeðjan (8 mm) var lásuð í auga á vírnum með 6-8 mm “patend” lás sem virtist ná að skera sig í augað sem síðan gaf sig.  Keðjan (3-4 m) hífðist einnig inn á trommluna;
  • að hlíf var yfir spilinu og gaf hún ekki möguleika á sverari vír.  Eftir slysið var þessari hlíf lyft og gert svigrúm fyrir 10 mm vír.  Að sögn skipstjóra myndast ekki sár á auganu á honum og virtist hann ætla að duga mun betur;
  • að reglulegt eftirlit verður framvegis með ástandi vírsins og það tengt viðhaldskerfi (Viðhaldsvaki) skipsins;
  • að vegna lagers á 8 mm vírnum hafði hann verið notaður þrátt fyrir veikleika hans;
  • að skipverjinn var mjög vanur á skipinu.  Hann var með JOFA hjálm og með líflínu.
 
 

 Nefndarálit
 

Orsök slyssins virðist vera að notaður var of grannur vír, þrátt fyrir litla byrði, þar sem þær ráðstafanir sem gerðar voru eftir óhappið hafa leitt til þess að vírinn endist betur. 

 

Nefndin hvetur skipstjórnendur til að taka mjög alvarlega allar vísbendingar um veikleika sem ógna öryggi skipverja og grípa strax til nauðsynlegra aðgerða til að tryggja umhverfi þeirra. 
 

Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [18.207.137.4] þriðjudagur 22. október 2019 20:07 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis