RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2874)
127/03  51440-23.09.04
129/03  52576-23.09.04
131/03  51958-23.09.04
135/03  51849-23.09.04
006/04  55399-23.09.04
007/04  54116-23.09.04
021/01  55874-23.09.04
037/01  70701-23.09.04
040/01  59660-23.09.04
010/04  69904-23.09.04
 283 af 288   
Til bakaTil bakaPrentvæn útgáfa 016/04  - Arnar HU 1
  Arnar HU 1, maður fyrir borð   
 Heimsóknir: 53054 Uppfært: 23.09.04 

  Arnar HU 1
Skipaskr.nr.: 2265
Smíðaður: Tomrefjord Noregi 1986 stál
Stærð: 1.063,00 brl; 1.854,40 bt
Lengd: 59,97 m Breidd: 13,00 m Dýpt: 8,12 m
Vél: Wärtsilä 2.998,00 kW Árgerð: 1996
Annað: 
Fjöldi skipverja:  

Arnar©Guðmundur St. Valdimarsson 
 

 Atvikalýsing
 

Þann 28. janúar 2004 var Arnar HU 1 á togveiðum í Barentshafi.  Veður:  Gola, sléttur sjór, hiti um 0°, sjávarhiti 5,6°.

 

Verið var að taka trollið og um kl. 05:05 þegar hlerar komu í gálga kom í ljós að bremsur á stjórnborðs togvindu héldu ekki þunganum.  Brugðið var á það ráð að láta spilið halda við á meðan verið var að lása dauðaleggnum úr og hífa í grandarana og við það léttist á hleranum. 

 

Vaktformaður ákvað að hengja hlerann á pláss með keðju svo hægt væri að taka hífinguna af togvindunni á meðan trollið var afgreitt.  Einn skipverja fór upp á lunninguna og studdi sig við hlerann til að koma keðjunni fyrir í honum og gálganum.  Þegar hann ætlaði að smeygja keðjunni í hlerann féll hann niður og skipverjinn á eftir.  Hlerinn stöðvaðist á miðri leið en skipverjinn féll í sjóinn.

 

Skipverjar kölluðu til mannsins og fengu svör um að hann væri ekki slasaður.  Kastað var til hans bjarghring og fylgst með honum meðan léttbátur var sjósettur til björgunar.  Um 8 til 9 mínútur tók að ná manninum úr sjónum.

 
 

 Við rannsókn kom fram
 
  • að í þessu togi hafði þurft að hífa úr festu.  Í stjórnborði togvinda í brú var hnappur sem var settur niður til að minnka virkni bremsukerfisins (um 50%) við hífingu úr festum.  Stjórnandi í brú hafði ekki ýtt á hnappinn aftur til að setja kerfið í eðlilega stöðu;
  • að stjórnandi spilsins taldi sig halda við hlerana með því að hafa vindurnar á hífingu meðan skipverjinn var að setja keðjuleggi (græjur) á hlerann;
  • að sögn skipstjóra hafði bremsa á stjórnborðstogspili gefið sig áður í veiðiferðinni en óljóst af hvaða orsökum og voru þá bremsur hertar;
  • að eftir óhappið var skipt um hnappa við þennan búnað, halda þarf honum niðri þegar eiginleikar hans eru notaðir;
  • að þegar komið var til hafnar var opnað að bremsuskálum og kom þá í ljós að 7 skálar voru brotnar af 47.  Vélstjóri taldi það hafa svo lítil áhrif á neyðarbremsur að menn taki ekki eftir því;
  • að skipverjinn var ekki með öryggislínu þar sem hún var ekki við hlerann;
  • að skipverjinn hafði fjarlægt flotið í flovinnubúningnum sem að hans sögn var óþjált og heitt í góðum veðrum;
  • að fram kom að reynt var að halda björgunaræfingar og skipverjar höfðu farið í Slysavarnarskóla sjómanna sem að sögn skipverja skilaði sér í þessu tilfelli.
 
 

 Nefndarálit
 

Orsök óhappsins var vegna yfirsjónar við stjórn spilsins.  Skipverjar töldu að um bilun hefði verið að ræða og var verklag eftir því. 

 

Nefndin fagnar því að skipt hafi verið um búnað til að koma í veg fyrir mistök af þessu tagi. 
 

Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [100.24.122.117] þriðjudagur 13. apríl 2021 18:28 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis