RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2745)
087/19  2329-13.11.19
067/19  7206-13.11.19
062/19  7132-13.11.19
057/19  9761-13.11.19
056/19  9679-13.11.19
053/19  11284-13.11.19
052/19  11407-13.11.19
048/19  6889-13.11.19
039/19  3792-13.11.19
038/19  4152-13.11.19
 1 af 275   
Til bakaTil bakaPrentvæn útgáfa 085/01  - Ási ÍS 106
  Ási ÍS 106, strandar í Súgandafirði   
 Heimsóknir: 21788 Uppfært: 23.09.04 

  Ási ÍS 106
Skipaskr.nr.: 7427
Smíðaður: Hafnarfjörður 1995 Plast
Stærð: 7,50 brl; 6,00 bt
Lengd: 8,92 m Breidd: 2,68 m Dýpt: 1,75 m
Vél: Perkins 123,00 kW Árgerð: 1995
Annað: 
Fjöldi skipverja: 2 

 
 

 Atvikalýsing
 

Hinn 29. ágúst 2001 fór Ási ÍS 106 til línuveiða út af Súgandafirði.  Veður: NA 8 m/sek.

 

Eftir um klst. siglingu var báturinn kominn á miðinn og um kl. 19:30 var búið að leggja línuna, samtals 36 bala.  Þá var strax byrjað að draga og því lokið um kl. 03:45 og voru þá komin um 2 tonn af fiski.

 

Þá var lagt var af stað til hafnar og skv. plotter var um 1:15 klst. sigling til hafnar á Suðureyri.  Skipstjórinn sá um siglinguna en hinn skipverjinn lagðist til hvílu.  Siglt var á um 8 til 8,5 hnúta hraða með sjálfstýringu á og hafði skipstjórinn verið í símasambandi við land á landstíminu. 

 

Að sögn skipstjórans var um 8 mín. sigling eftir þegar hann gleymdi sér og sofnaði.  Hann hrökk upp við mikið og þungt högg og sá að báturinn var strandaður rétt fyrir utan “brjótinn” í sunnanverðum Súgandafirði, rétt vestan við Suðureyri.  Gat kom á bátinn stb. meginn að framan og sjór fór að flæða inn í lúkar.  Skipstjórinn reyndi að bakka bátnum út aftur en hætti því sökum þess hve mikill sjór lak  inn í bátinn.  Í bakkinu lenti stýrið í grjóti og við það gekk stýristamminn til og fór að leka inn í vélarúm.  Björgunarsveitarmenn komu  á slysstað um 10-15 mín. eftir óhappið.  Hófu þeir að losa aflann úr bátnum og draga hann síðan af strandstað og koma honum til hafnar. 

 

Í ljós kom að stórt gat kom á bátinn að framan og einhver göt voru á botni að aftan auk fyrrnefndra skemmda á stýri. 
 

 Við rannsókn kom fram
 
  • að skipstjóri sofnaði við stjórn bátsins;
  • að skipstjóri hafði vakað um 20 til 21 klst. þegar  óhappið varð;
  • að hver veiðiferð tók um 12 klst. að jafnaði;
  • að skipstjóri var í sinni fjórðu veiðiferð á jafnmörgum dögum;
  • að eftir að veiðum lauk fór hinn skipverjinn í koju þar sem hann þjáðist af sjóveiki;
  • að sjálfstýringin var í lagi;
  • að kompásstefnan sem skipstjóri hafði síðast sett á og átti að hafa brjótinn fríann hélst rétt að strandstað, en vindur og straumur bar bátinn af leið.
 
 

 Nefndarálit
  Nefndin telur orsök strandsins vera þá að skipstjóri bátsins sofnaði. Nefndin ítrekar mikilvægi þess að skipstjórnarmenn séu nægilega hvíldir til að geta haldið árvekni sinni í lagi og stefna ekki sjálfum sér, áhöfn og skipi ásamt öðrum sjófarendum í hættu.    

Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [3.234.214.113] föstudagur 06. desember 2019 20:47 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis