RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2756)
132/18  15853-15.01.20
075/16  13458-15.01.20
085/19  2889-17.12.19
080/19  2528-17.12.19
073/19  8042-17.12.19
069/19  8950-17.12.19
063/19  9016-17.12.19
060/19  12557-17.12.19
035/19  8280-17.12.19
028/19  7658-17.12.19
 1 af 276   
Til bakaTil bakaPrentvæn útgáfa 010/02  - Höfrungur III Ak 250
  Höfrungur III Ak 250, skipverji slasast þegar togvír slitnar   
 Heimsóknir: 22526 Uppfært: 23.09.04 

  Höfrungur III Ak 250
Skipaskr.nr.: 1902
Smíðaður: Kristiansund, Noregi, 1988 Stál
Stærð: 784,00 brl; 1.521,00 bt
Lengd: 55,60 m Breidd: 12,80 m Dýpt: 8,00 m
Vél: Wichmann 3.000,00 kW Árgerð: 1988
Annað: 
Fjöldi skipverja: 27 

 
 

 Atvikalýsing
 

Þann 23. janúar 2002 var Höfrungur AK 250 á togveiðum á Reyðarfjarðardýpi.  Veður:  NA 8-10 m/sek.

 

Um kl. 09:40 var verið að taka inn trollið og ljúka við að hífa inn togvíra og hlerar að komast í gálga.  Byrjað var á því að hífa stjórnborðs hlerann alveg upp í blökk, gengið frá honum og bremsa sett á það togspil.  Síðan átti að ganga með sama hætti frá bakborðs hleranum en hann kom skakkur upp og þurfti að slaka honum aðeins niður og hífa hann í gálgann að nýju.  Þegar hlerinn var kominn upp að nýju slitnaði togvírinn úr hleranum og slóst fram eftir dekkinu bakborðsmeginn.  

 

Tveir skipverjar stóðu bakborðsmeginn á efsta dekki rétt fyrir aftan togspilið þeim megin og biðu þess að hlerinn kæmi í gálgann til að getað lásað úr.  Sá skipverji sem var aftar fékk togvírinn í andlitið og féll í fangið á þeim sem fyrir aftan hann stóð og virtist hann hafa misst meðvitund um tíma.  Ástand hans leit ekki vel út eftir höggið og talið að hann gæti verið brotinn á fót og í andliti.

 

Hlúð var að hinum slasaða og skipinu siglt til hafnar á Neskaupsstað og hinum slasaða komið undir læknishendur.  Við skoðun kom í ljós að nokkrar tennur höfðu brotnað og gera þurfti aðgerð á andliti hans.   
 

 Við rannsókn kom fram
 
  • að vanur maður stjórnaði togspili úr brú;
  • að um var að ræða 32mm vír, þriggja mánaða gamlan, splæstan saman í auga með kósa í auganu;
  • að vírinn var í mjög góðu ásigkomulagi og auðsjáanlega nýlegur;
  • að splæst var nýtt auga á vírinn þremur vikum áður, eða þann 2. janúar 2002;
  • að vírinn slitnaði í auganu framan við kósann;
  • að sögn skipverjans sem stjórnaði spilinu var ekkert athugavert við þessa hífingu;
  • að þremur dögum áður hafði stýrimaður athugað vírana, splæsin og lásana.  Þá virtist allt vera í lagi.
  • að í síðustu tveimur ferðum skipsins hafði segulnagli ekki verið lásaður á milli togvírs (m/kósa) og toghlera.  Skipstjórinn hafði fengið þær upplýsingar að það fyrirkomulag væri betra fyrir vírinn.  Það kæmi í veg fyrir að það snérist ofan af vírnum og hann myndi endast lengur. 
  • að eftir óhappið var fyrra fyrirkomulag tekið upp aftur þ.e.a.s. segulnagli var lásaður á milli;
  • að í síðustu veiðiferð hafði kósi skemmt þætti í togvír;
  • að sögn skipstjóra slitnaði vírinn vegna þess að bogi kom á kósann með þeim afleiðingum að hann brotnaði og skar vírinn í sundur.
 
 

 Nefndarálit
  Nefndin telur ástæðu þess að togvírinn slitnaði sé sú að kósinn skemmdist í blökkinni og skar vírinn í sundur.    

Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [100.26.179.196] mánudagur 27. janúar 2020 23:12 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis