Þann 4. september 2002 var Reynir GK 177 á leið inn til Húsavíkurhafnar.Veður:Myrkur.
Um tvöleytið um nóttina þegar var báturinn að koma að höfninni og urðu skipverjar ekki varir, fyrr en of seint, við brimvarnargarðinn sem er vestan við Norðurgarð.Skipstjórinn reyndi að bakka en það var of seint.
Við rannsókn kom fram
að skipstjórinn hafði einu sinni komið til Húsavíkurhafnar löngu áður og þekkti því ekki til hafnarinnar;
að leiðin í siglingatölvu bátsins inn til hafnarinnar var samkvæmt gömlu siglingaleiðinni inn í höfnina og sker hún brimvarnargarðin miðjan;
að skipstjórinn sá ekki bauju við enda brimvarnargarðsins;
að töluverðar skemmdir urðu á bátnum;
að skipstjórinn hafði ekki samband við hafnarstarfsmenn og lét vita um ferðir sínar.