RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2790)
106/19  5245-04.05.20
105/19  5237-04.05.20
104/19  5113-04.05.20
103/19  4094-04.05.20
093/19  8357-04.05.20
090/19  6553-04.05.20
074/19  10121-04.05.20
077/19  4035-20.04.20
081/19  4529-20.04.20
084/19  4506-20.04.20
 1 af 279   
Til bakaTil bakaPrentvæn útgáfa 096/03  - Fossá ÞH 362
  Fossá ÞH 362, fær barka í skrúfuna á kúfiskveiðum   
 Heimsóknir: 36453 Uppfært: 23.09.04 

  Fossá ÞH 362
Skipaskr.nr.: 2404
Smíðaður: Kína 2000 stál
Stærð: 249,00 brl; 444,00 bt
Lengd: 38,00 m Breidd: 9,40 m Dýpt: 3,50 m
Vél: Caterpillar 1.004,00 kW Árgerð: 2000
Annað: 
Fjöldi skipverja: 4 

Fossá©Hafþór Hreiðarsson 
 

 Atvikalýsing
 

Þann 7. október 2003 var Fossá ÞH 362 á Kúfiskveiðum á Eiðsvík í Bakkaflóa.  Veður: SA 5-8 m/s og fór síðan í 10-15 m/s.

 

Fossá ÞH kl. 19:55

Skipstjóri var einn í brú en aðrir skipverjar niðri í borðsal.  Hann hafði verið að toga í austur átt og var að hífa plóg í gálga og undirbúa annað kast.  Myndin sýnir staðsetningu Fossá við akkeri Um leið og plógurinn kemur í gálgann beygir hann til bakborða og keyrir aðalvél upp til að ná meiri ferð því skipið hafði verið nánast stopp við hífinguna. 

 

Aftur úr plógnum hékk 80 metra langur 8” barki sem notaður er til að sprauta sjó niður í plóginn við veiði.  Þessi barki lenti í skrúfunni um kl. 18:30 og við það stöðvaðist aðalvél.  Skipið tók strax að reka að landi en skipverjar náðu að setja út stjórnborðsakkeri og stöðva rekið.  Haft var samband við nærliggjandi skip og gerðar ráðstafanir svo björgunarsveitir kæmu á staðinn ef illa færi.

 

Um kl. 19:30 gaf akkeristaugin sig en skipverjar náðu að setja út bakborðsakkerið sem hélt.  Skipverjar skáru á barkann til að freista þess að losna við hann úr skrúfunni en allt kom fyrir ekki.

 

Aðstoðin:

Kl. 22:30 kom Björg Jónsdóttir ÞH 321 að Fossá sem þá var 0,8 sml. frá landi og á 10 metra dýpi.  Veður hafði þá snúist til ANA 12-15 m/s og bætt í sjóinn.  Það tók um það bil 30 mín að koma taug á milli skipanna.

 

Vegna slæms veðurútlits var ákveðið að draga Fossá ÞH til Seyðisfjarðar og gekk sú ferð vel og var komið þangað kl. 10:40 morguninn eftir.  
 

 Við rannsókn kom fram
 
  • að Fossá var um 1,2 sml frá landi þegar barkinn fór í skrúfuna;
  • að stýrimaður hélt að þeir hefðu sett um 15-20 faðma af akkeristaug (28 mm vír) fyrst en lengt svo í henni.  Hann sagði að mikið hefði tekið í hana og hún slitnað í klussi.  Skipstjóri sagði vírinn tveggja ára og hann hafði verið skoðaður skömmu áður og var þá talin í góðu ásigkomulagi;
  • að skipstjóri sagði að akkerisvírinn hafi ekki slitnað í klussi heldur töluvert neðar;
  • að skipverjar vildu ekki setja bæði akkerin út í einu vegna ótta við að þau flæktust saman;
  • að mati skipstjórans var líklegasta skýringin sú að hann hafi beitt skipinu of lítið og lítil ferð þess hafi orsakað það að barkinn hafi kastast til, sennilega vegna öldu, undir skipið og í skrúfuna;
  • að erfiðlega gekk að komast í björgunarbúninga, mönnum þótti þeir þröngir þrátt fyrir að á þeim stóð “All size”.  Einn skipverjinn var t.d. 1,83 m og 107 kg;
  • að enginn skipverji fylgist með barkanum við hífingar og þykir það eðlilegt verklag að mati skipverja;
  • að sögn skipverja er barkinn fullur af sjó og lá því niður;
  • að skipverjar á Björgu Jónsdóttur notuðu talstöðvarhjálma og gengu samskipti vel á milli manna.  Þeir komu kastlínu á milli skipanna og sendu yfir 5 metra langt 32 mm ofurtóg ásamt lás sem vafin var á polla á Fossá ÞH.  Síðan var tengdur 28 mm togvír í það til dráttarins.
 
 

 Nefndarálit
 

Orsök óhappsins var sú að ekki var fylgst nægjanlega með því hvort barkinn væri klár frá skipinu.

 

 

Ábending:

Nefndin hvetur sjómenn til að kynna sér notkun björgunarbúninga og þeim sé kunnugt hvaða stærð og tegund hæfi hverjum og einum.   
 

Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [18.232.38.214] miðvikudagur 03. júní 2020 23:24 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis