RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2790)
106/19  5245-04.05.20
105/19  5237-04.05.20
104/19  5114-04.05.20
103/19  4094-04.05.20
093/19  8357-04.05.20
090/19  6555-04.05.20
074/19  10121-04.05.20
077/19  4036-20.04.20
081/19  4530-20.04.20
084/19  4508-20.04.20
 1 af 279   
Til bakaTil bakaPrentvæn útgáfa 024/04  - Svanur RE 45
  Svanur RE 45, skipverji slasast þegar vír slæst til   
 Heimsóknir: 18464 Uppfært: 22.12.04 

  Svanur RE 45
Skipaskr.nr.: 2530
Smíðaður: Noregi 1988 stál
Stærð: 864,00 brl; 1.335,00 bt
Lengd: 60,20 m Breidd: 11,00 m Dýpt: 8,00 m
Vél: Wärtsilä 2.250,00 kW Árgerð: 1988
Annað: 
Fjöldi skipverja: 16 

Svanur©Ingibjörg Ólafsdóttir 
 

 Atvikalýsing
 

Þann 11. febrúar 2004 var Svanur RE 45 á loðnuveiðum með troll um 80 sml út af Gerpi.  Veður:  SV 10 m/s og sjólítið.

 

Skipverjar höfðu lokið við að taka trollið inn, losa belginn, festa togvírinn við leiðara og voru að búa sig til að taka pokann á síðuna.  Leiðarinn, sem var bundinn upp að aftan á meðan á veiðum stóð, var losaður og við það kastaðist hann til og náði að festast undir lúgutessa stjórnborðsmeginn á forlest.

 

Skipverji sá hvað hafði skeð og fór upp á afturlúguna og yfir safnkassa til að huga að þessari stöðu.  Hann stóð boginn yfir þessu þegar skipið tók bakborðsveltu og tessinn brotnaði með þeim afleiðingum að strengdur vírinn slóst upp í höfuð hans.

 

Haft var samband við land og óskað eftir þyrlu og lækni.  Nærstatt varðskip kom á staðinn og tók slasaða um borð til sín og þaðan var hann svo fluttur með þyrlu til Reykjavíkur.  Skipverjinn fékk heilahristing, mar og það blæddi inn á heila.

 
 

 Við rannsókn kom fram
 
  • að skipverjinn var mjög vanur sjómaður.  Hann var með hlífðarhjálm, sem virtist hafa bjargað miklu.  Við höggið, sem virtist fara beint á höfuðið, rifnaði hjálmurinn af honum og hökuólin rispaði hann á hökunni;
  • að ekki er ljóst hvað slasaði ætlaði að gera þarna við þessar aðstæður.  Hvort að hann ætlaði að losa vírinn eða var einungis að skoða aðstæður fæst ekki vitað.  En ljóst er að slasaði stóð skotlínumeginn við vírinn;
  • að hinn slasaði gat ekki tjáð sig um atburðinn sökum afleiðinga slyssins;
  • að spilmaður sá þegar vírinn festist í tessanum og slakaði vírnum nokkrum sinnum.  Óvanur skipverji stóð innan seilingar, réttu meginn við vírinn, en áttaði sig ekki á að losa hann af tessanum í þau skipti sem slakinn var, þrátt fyrir köll spilmannsins;
  • að mikið var um að vera á þilfarinu, þetta var fyrsta loðnufrystingin og mönnum mikið í mun að láta hlutina ganga.  Gengið hafði frekar illa og ýmsir hnökkrar höfðu verið að koma upp.  Þetta var einn af þeim;
  • að vegna aðstæðna um borð þarf að hafa víra strengda um þilfarið.  Til að breyta verklagi yrði að hafa aftari leiðaraspilin fyrir aftan brú.
 
 

 Nefndarálit
 

Orsök slyssins var að leiðari kræktist um lúgutessa sem brotnaði við mikil átök og vírinn slóst til. 

 

Nefndin hvetur alla skipverja til að forðast að koma nálægt strengdum vírum, hvort sem þeir eru í festu og/eða annarri óeðlilegri stöðu. 
 

Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [18.232.38.214] fimmtudagur 04. júní 2020 00:41 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis