RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2716)
070/19  395-06.09.19
068/19  420-06.09.19
066/19  436-06.09.19
065/19  430-06.09.19
024/19  2699-05.09.19
013/19  2103-05.09.19
143/18  3740-05.09.19
132/18  6981-05.09.19
113/18  11994-05.09.19
094/18  8445-05.09.19
 1 af 272   
Til bakaTil bakaPrentvæn útgáfa 034/00  - Bv. Ottó N. Þorláksson RE-203
  Ottó N. Þorláksson RE-203, skipverji slasast er bugt á grandara slæst í höfuð hans   
 Heimsóknir: 45765 Uppfært: 23.09.04 

  Bv. Ottó N. Þorláksson RE-203
Skipaskr.nr.: 1578
Smíðaður: í Garðabæ 1981 úr stáli
Stærð: 485,46 brl; 879,00 bt
Lengd: 57,00 m Breidd: 10,30 m Dýpt: 7,30 m
Vél: MAK 1.619,00 kW Árgerð: 1981
Annað: 
Fjöldi skipverja: 15 

Ottó N Þorláksson ©Jón Sigurðsson 
 

 Atvikalýsing
 

Hinn 4. mars 2000 var bv. Ottó N. Þorláksson RE-203 á siglingu suðvestur af Reykjanesi. Veður: Sæmilegt.

Skipverjar voru að skipta um grandara á báðum grandaravindum. Þegar verið var að draga vírinn af bb.-grandaravindu kom skyndilega bugt á grandarann sem slóst með talsverðu afli í andlit þess skipverja sem var næst vindunni við að draga vírinn af. Gerðist þetta í lok vaktar og fór skipverjinn inn til að jafna sig. Haft var samráð við lækni í landi um aðhlynningu en ekki talin ástæða til sérstakra aðgerða.

Þegar hinn slasaði hugðist hefja vinnu að lokinni frívakt og var kominn út á þilfar missti hann meðvitund og var fluttur inn og látinn hafa hægt um sig. Aftur var haft samband við lækna og leitað ráða en þeir töldu ekki ástæðu til neinna sérstakra aðgerða nema láta manninn hvíla sig.

Skipverjinn fór til læknis er skipið kom til hafnar nokkrum dögum síðar.

 
 

 Við rannsókn kom fram
 
  • að slasaða er ekki ljóst hvort vírbugtin slóst til við snúning vindunnar eða hvort bugtin myndaðist um leið og vírinn kom út af vindunni. Um var að ræða tvöfalda grandara (efri- og neðrigrandarar);
  • að skráning skipverja var ekki í lagi í lögskráningarkerfinu, en skráning skipverja hafði verið send rétt frá skipinu. Kom í ljós að galli er á lögskráningarkerfi því sem notað er við samræmda skráningu skipverja um allt land. Er möguleiki á að fá fleiri en eina útgáfu af lista yfir skipverja eftir því hvers konar tölvusambandi viðkomandi er í við gagnabankann.
 
 

 Nefndarálit
 

Nefndin telur að allar líkur séu til að slakað hafi verið á vindunni með meiri hraða en náðist að draga vírinn af og við það hafi myndast laus bugt á vírinn sem slóst til.

Vill nefndin brýna það sérstaklega fyrir mönnum að þegar verið er að draga vír af vindu sé ekki slakað með meiri hraða en svo að skipverjar hafi alltaf undan að draga vírinn af vindutromlu.

 
 

 Tillögur í öryggisátt
 

Nefndin vill benda á að mikilvægt sé að lögskráning skipverja sé alltaf í samræmi við mönnun skipsins hverju sinni. Að allir, sem ráðnir eru sem skipverjar, séu skráðir í sína stöðu. Lögskráning skipverja er til þess að ljóst sé hver eða hverjir eru á skipinu ef eitthvað kemur fyrir.

 
 
Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [35.173.47.43] miðvikudagur 18. september 2019 07:08 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis