RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2716)
070/19  396-06.09.19
068/19  421-06.09.19
066/19  437-06.09.19
065/19  432-06.09.19
024/19  2700-05.09.19
013/19  2105-05.09.19
143/18  3741-05.09.19
132/18  6982-05.09.19
113/18  11997-05.09.19
094/18  8447-05.09.19
 1 af 272   
Til bakaTil bakaPrentvæn útgáfa 047/00  - Bv. Skutull ÍS-180
  Skutull ÍS-180, skipverji slasast þegar híft er í grandara   
 Heimsóknir: 24843 Uppfært: 23.09.04 

  Bv. Skutull ÍS-180
Skipaskr.nr.: 1383
Smíðaður: í Póllandi 1974 úr stáli
Stærð: 912,87 brl; 1.403,00 bt
Lengd: 71,43 m Breidd: 11,30 m Dýpt: 7,30 m
Vél: Sulser 2.208,00 kW Árgerð: 1974
Annað: 
Fjöldi skipverja: 18 

Skutull ©Þorgeir Baldursson 
 

 Atvikalýsing
 

Hinn 19. nóvember 1999 var bv. Skutull ÍS-180 að veiðum á Flæmska-hattinum austur af Nýfundnalandi. Veður: (kaldi, hálfgerð bræla), leiðinda sjólag. Verið var að hífa inn veiðarfæri (tvær rækjuvörpur). Hlerar voru komnir í gálga og skipverjar lásuðu dauðalegg úr hlera stb.-megin og lásuðu í leiðara. Síðan var leiðarinn settur út í rennuna. Einn skipverjinn hugðist lása í lóðið á milli veiðarfæranna (tvær vörpur). Talið er að dauðileggurinn hafi fest á milli hlera og skutlunningar og þegar híft var í leiðarann hafi hann slegist til þegar átakið kom á hann og við það lent á skipverjanum.

 
 

 Við rannsókn kom fram
 
  • að skipstjóri og fyrsti stýrimaður bv. Skutuls ÍS-180 mættu hjá lögreglunni í Hafnarfirði 29. desember 1999 til að gefa skýrslu vegna slyss um borð. Ekki var hægt að taka af þeim skýrslu þar sem frumskýrsla lá ekki fyrir frá lögreglunni á Höfn sem slasaði hafði gefið. Mál 036-1999-00000. Athugasemd gerð á skjalið um að slasaði hafi ekki gefið skýrslu um málið hjá lögreglunni á Höfn;
  • að skipstjóri sagði að hinn slasaði hafi verið að teygja sig eftir upphalarakeðju á lóði þegar híft var í grandaraleiðara. Við það að híft var slóst grandaraleiðarinn upp fyrir lunningu og lenti á skipverjanum sem við það slasaðist;
  • að sögn slasaða var myndavél, sem staðsett er aftur á dekki fyrir skipstjórnarmann til að geta fylgst með skipverjum og búnaði aftast á þilfari, óvirk í þessari ferð;
  • að hinn slasaði var í sinni fyrstu veiðiferð með þessu skipi;
  • að sögn stýrimanns er myndavélin ekki fullkomnari en það að í myrkri er erfitt að fá góða skerpu á mynd. Hann telur að ekki hafi verið um bilun að ræða. Samkvæmt frásögn hans hefur hann verið á skipum þar sem lýsing er betri á þilfari en þarna var;
  • að venjan var að lása dauðaleggjum í leiðarana og lása í lóðið á milli veiðarfæra áður en gefið var merki um að hífa.
 
 

 Nefndarálit
 

Nefndin telur að koma hefði mátt í veg fyrir þetta slys ef einhver ákveðinn aðili hefði annast tilsögn og stjórnun vinnu á þilfarinu. Sá er gefa á bendingar um að hífa verður að hafa stjórn á vinnunni á þilfari svo að einstakir skipverjar grípi ekki til einhverra aðgerða án samhæfingar við aðrar aðgerðir sem eru í gangi hverju sinni. Slík stjórnun á störfum skipverja skilar sér í samhæfðri vinnu og ekki síst þegar nýir skipverjar eru að hefja störf og venjast vinnutilhögun um borð í skipinu. Það þarf að hafa það vel hugfast að vanir sjómenn vita hvað þarf að gera um borð í skipi en ekki er sama röð vinnuaðgerða um borð í öllum skipum og því brýnt að það sé einn stjórnandi sem ráði vinnuferlinu.

Nefndin áréttar fyrri ábendingar um nauðsyn á markvissri stjórnun vinnu um borð í skipum til þess að koma í veg fyrir slys.

 
 

Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [35.173.47.43] miðvikudagur 18. september 2019 08:06 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis