RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2716)
070/19  396-06.09.19
068/19  420-06.09.19
066/19  436-06.09.19
065/19  430-06.09.19
024/19  2699-05.09.19
013/19  2103-05.09.19
143/18  3740-05.09.19
132/18  6981-05.09.19
113/18  11994-05.09.19
094/18  8446-05.09.19
 1 af 272   
Til bakaTil bakaPrentvæn útgáfa 061/00  - Bv. Pétur Jónsson RE-69
  Pétur Jónsson RE-69, skipverji slasast þegar grandari slæst til   
 Heimsóknir: 26633 Uppfært: 23.09.04 

  Bv. Pétur Jónsson RE-69
Skipaskr.nr.: 2288
Smíðaður: í Noregi 1997 úr stáli
Stærð: 1.068,94 brl; 2.139,00 bt
Lengd: 63,83 m Breidd: 13,00 m Dýpt: 8,45 m
Vél: Wartsila 3.690,00 kW Árgerð: 1997
Annað: 
Fjöldi skipverja: 20 

Pétur Jónsson ©Þorgeir Baldursson 
 

 Atvikalýsing
 

Hinn 4. janúar 1998 var bv. Pétur Jónsson RE-69 við veiðar á rækju 50 sml norðvestur af Straumnesi. Veður: norðaustan 9 vindstig.

Skipverjar voru að kasta trollinu þegar hífa þurfti efri grandara undan rossklafa. Við það húkkaðist grandarinn á kúlu á seiðaskilju sem bundin var upp yfir miðbraut. Þegar skipverjinn hugðist losa grandarann og hljóp þvert yfir veiðarfærarennuna og undir grandarann, sem var vel á lofti, losnaði grandarinn og slóst til og lenti á skipverjanum sem slasaðist. Ekki var talið að um alvarlegt atvik væri að ræða þar sem skipverjinn virtist jafna sig fljótlega og ákveðið var að hann færi í hvíld um tíma og sjá til hvort hann næði sér alveg. Þegar bati virtist ekki koma, var siglt til hafnar á Ísafirði 12. janúar og skipverjinn sendur til rannsóknar á sjúkrahús.

Eftir rannsókn á sjúkrahúsinu var hann útskrifaður en við frekari skoðanir nokkru síðar komu fram alvarlegir áverkar bæði á fæti, búk og hálsi.

 
 

 Við rannsókn kom fram
 
  • að sjópróf fór fram rúmum tveimur árum eftir að atburðurinn varð. Skipstjóri gat þess að ekki væri hægt að ætlast til að menn myndu atburðarás í smáatriðum eftir svo langan tíma;
  • að skipstjóri gat þess að veður hafi verið 8-12 vindstig þegar atvikið varð en skipið Pétur Jónsson RE-69 sé stórt og mjög gott sjóskip en þar sem þeir hafi verið að veiðum sé eitt erfiðasta hafsvæði með hliðsjón af veðri;
  • að skipstjóri sagðist ekki hafa frétt af atvikinu fyrr en lokið var við að kasta veiðarfærinu;
  • að slasaði sagði að veður hafi verið mjög slæmt þegar veiðarfæri var kastað eða 10-12 vindstig;
  • að grandaranum hafði verið lyft upp með gils sem festur var (sem hefur átakspunkt) í afturgálga til að losa hann frá rossklafanum. Eftir að grandarinn var laus frá rossklafanum var slakað niður. Við það að slaka grandaranum niður aftur festist hann á seiðaskilju sem bundin var upp undir vindupall flottrollstromlu og gilskrókurinn losnaði af grandaranum. Af þeim sökum kom allur þungi grandarans á festingar seiðaskiljunnar sem ekki þoldu þungann og slitnuðu. Á því augnabliki, sem festing seiðaskiljunnar slitnaði, gekk skipverjinn undir grandarann og varð undir honum þegar hann skall niður;
  • að bendingum til stjórnanda vindu virðist hafa verið áfátt. Ekki hefur verið upplýst hver átti að segja skipverjanum sem stjórnaði vindunni til varðandi hífingu eða slökun. Af þeim sökum virðist hafa verið slakað of mikið svo að krókurinn losnaði af grandaranum.
 
 

 Nefndarálit
 

Nefndin telur að koma hefði mátt í veg fyrir umrætt slys ef tekið hefði verið tillit til aðstæðna. Varast ber að fara undir strengdan fal (vír, tóg eða keðju) ef minnsta hætta er á að hann geti skroppið til.

Nefndin vill vekja athygli á að ekki virðist hafa verið viðunandi verkstjórn á þilfari þar sem ekki var neinn ákveðinn skipverji sem hafði þann starfa að segja stjórnanda vindunnar til við hífingu. Aðgerðir höfðu verið í gangi við að greiða úr flækju á því svæði í skipinu þar sem stjórnandi vindunnar hafði ekki yfirsýn yfir og því allar aðgerðir hans varhugaverðar með hliðsjón af öryggi skipverja sem unnu á þilfarinu.

Sjómenn þurfa einnig að íhuga það mjög vel að ef þeir hyggjast "redda" málum af eigin frumkvæði og verða síðan fyrir slysi eru þeir með stóran hluta ábyrgðarinnar á eigin herðum. Ábyrgð þeirra verður allt önnur ef þeim er sagt af yfirmanni að framkvæma verkið.

Vakin er athygli á því að það er skylda skipstjórnarmanna að láta rannsaka slys. Í þessu tilviki var hinn slasaði frá vinnu í nokkra mánuði og það gat því ekki dulist skipstjóra að atvikið var alvarlegt. Af þeim sökum hefði skipstjórnarmaður átt að sjá til þess að rannsókn færi fram strax og allur dráttur á því torveldaði rannsóknina. Afsakanir skipstjórnarmanna um að langt væri liðið frá atvikinu þegar rannsókn fór fram (lögregluskýrslur í maí 1999 og sjópróf í maí 2000) og minni manna væri brigðult verða léttvægar þar sem rannsókn slyss er á ábyrgð skipstjórnarmanna.

 
 

Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [35.173.47.43] miðvikudagur 18. september 2019 07:34 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis