RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (2716)
070/19  396-06.09.19
068/19  420-06.09.19
066/19  437-06.09.19
065/19  430-06.09.19
024/19  2699-05.09.19
013/19  2104-05.09.19
143/18  3741-05.09.19
132/18  6982-05.09.19
113/18  11996-05.09.19
094/18  8447-05.09.19
 1 af 272   
Til bakaTil bakaPrentvæn útgáfa 103/00  - Bv. Hrafn Sveinbjarnarson GK-255
  Hrafn Sveinbjarnarson GK-255, skipverjar slasast um borð í þegar kengur rifnar úr lunningu við það að híft er   
 Heimsóknir: 40015 Uppfært: 23.09.04 

  Bv. Hrafn Sveinbjarnarson GK-255
Skipaskr.nr.: 1972
Smíðaður: í Noregi 1988 úr stáli
Stærð: 390,00 brl; 1.028,00 bt
Lengd: 47,90 m Breidd: 11,00 m Dýpt: 7,45 m
Vél: Deutz 1.850,00 kW Árgerð: 1988
Annað: 
Fjöldi skipverja: 25 

Hrafn Sveinbjarnarson ©Jón Sigurðsson 
 

 Atvikalýsing
 

Hinn 11. nóvember 2000 um kl. 00:00 var bv. Hrafn Sveinbjarnarson GK-255 að veiðum á Glettinganesflaki: Veður: norðaustan 5-7 vindstig.

Skipverjar voru að hífa inn veiðarfæri og var pokinn kominn inn fyrir skutrennuloka og var aflinn áætlaður 2,5 tonn. Þar sem fiskur lá fram eftir belgnum átti að setja gils á pokann fyrir framan fiskinn áður en híft var upp til að tæma pokann.

Þegar lokið var við að draga veiðarfærið inn með bakborðs-stóragilsinum var hann tekinn af belgnum og farið með krókinn aftur eftir og honum krækt í keng á rennulunningunni rétt framan við skutrennulokann og þar var hann tilbúinn fyrir næstu notkun.

Þegar híft var í pokagilsinn til að tæma úr pokanum töldu skipstjórnarmenn að ekki næðist að tæma pokann í einni hífingu. Var slakað í pokagils og gilsinn færður til á belgnum svo það næðist að lyfta nægjanlega hátt til að tæma hann. Eftir að lokið var við að færa pokagilsinn nær fiskinum og átti að fara að hífa í pokagilsinn og stjórnborðs-stóragils tók stjórnandi vindunnar í stjórnstöng fyrir bb-stóragils og hífði í stað stjórnstangar fyrir stjórnborðs-stóragilsinn. Þar sem krókurinn á bb-stóragils var fastur í keng aftur við skutrennulunningu rifnaði kengurinn við átakið og kengur, gilskrókur og gilsvírinn slengdust fram eftir veiðarfærarennunni. Lenti þetta á tveimur skipverjum sem voru við störf sín og slösuðust þeir. Var haft samband við lækna í landi um aðhlynningu hinna slösuðu og skipinu siglt til hafnar. Kl 04:10 var skipinu lagt að bryggju og hinum slösuðu komið undir læknishendur.

 
 

 Við rannsókn kom fram
 
  • að sögn slasaða hafði verið lokið við að losa úr pokanum niður í fiskmóttökuna og verið að hnýta fyrir hann;
  • að stjórnstangir fyrir stb.- og bb.-stóragils eru hlið við hlið í stjórnborði fyrir vindurnar á stjórnpalli. Í myrkri er ekki auðvelt að sjá hvaða stjórnloki er fyrir hvora vindu að sögn skipverja.
 
 

 Nefndarálit
 

Nefndin telur ljóst að orsök slyssins hafi verið að híft var með rangri vindu.

 
 

 Tillögur í öryggisátt
 

Nefndin telur að koma megi í veg fyrir sambærileg mistök við hífingu ef höfð eru gaumljós við stjórnstangir fyrir vindur sem eru í pörum. Grænt ljós fyrir stjórnborðsvindu og rautt ljós fyrir bakborðsvindu til að auðvelda stjórnendum að átta sig á hvaða stjórnstöng er fyrir hvaða vindu.

 
 
Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [35.173.47.43] miðvikudagur 18. september 2019 07:55 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis