RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (108)
131/12  23473-19.06.13
118/12  24004-19.06.13
046/12  20734-08.10.12
154/11  29210-05.06.12
145/09  66034-21.02.11
129/08  37989-20.04.09
126/08  42164-02.03.09
121/08  38939-02.03.09
010/08*  41565-30.11.08
160/07  43731-06.05.08
 3 af 11   
Til bakaTil bakaPrentvæn útgáfa 010/08  - Ice Bird 
  Ice Bird, tók niðri við Hólmavík   
 Heimsóknir: 41566 Uppfært: 30.11.08 

  Ice Bird
Skipaskr.nr.: IMO 8915524
Smíðaður: 1991 stál
Stærð:  brl; 1.552,00 bt
Lengd: 93,00 m Breidd: 16,00 m Dýpt:  m
Vél:   kW Árgerð: 
Annað: Skráð í Cayman Islands
Fjöldi skipverja: 12 

Ice Bird©Jon 
 

 Atvikalýsing
 

Þann 24. janúar 2008 var frystiskipið Ice Bird að koma til Hólmavíkur.  Veður: SV 4-5 m/s, gott skyggni.  Kl. 16:00.  Djúprista var óþekkt.

Strandstaður

 

Þegar skipið var að nálgast höfnina strandaði það á grynningum SSV af Árnakletti (sjá kort).  Skipverjum tókst að losa skipið með því að setja vél afturábak og nota bógskrúfu til bakborða. 

 

Eftir atvikið hafði skipstjórinn samband við aðila í landi og fékk leiðsögumann um borð til aðstoðar við að koma skipinu rétta leið að bryggju.  Við athugun fundu skipverjar að leki var kominn að botntanki nr. 3.  Gerðar voru ráðstafanir um að fá kafað við skipið í næstu höfn skipsins sem var Sauðárkrókur. 

 

 

Við skoðun kom í ljós gat og 11-12 metra löng dæld, um það bil eins metra breið,  stjórnborðsmegin á bandabili 63-87.  Skipinu var siglt til Akureyrar til viðgerða. 

 

 
 

 Við rannsókn kom fram
 
  • að skipstjóri hafði ekki óskað eftir leiðsögumanni um borð við komuna.  Skipið hafði áður komið til hafnarinnar en þetta var fyrsta skiptið hjá þessum skipstjóra;Sjókort
  • að um borð var sjókort nr. 53 útgefið 2003 (mælikvarði 1:100000) (sjá ljósrit á neðri hluta myndar nr. II).  Auk þess var um borð dýptarmælingarkort frá Siglingastofnun Íslands með mælingum innan hafnarinnar og við bryggjuna (sjá efri hluta myndar nr. II).  Dýptarmælingarnar í kortinu náðu ekki út að grynningunum sem skipið strandaði á. 
  • að til er hafnarkort fyrir Hólmavík í mælikvarðanum 1:5000 sem gefið var út af Sjómælingum Íslands árið 1988, en það var ekki um borð (sjá mynd nr. I).  Samkvæmt því eru innsiglingarmerki í landi til hafnarinnar en aftara merkið hafði fokið fyrir u.þ.b. áratug.  Á þessum tíma var Siglingastofnun látin vita af því en fulltrúi hennar kvað þau aflögð og þ.a.l. yrði ekki gert við þau;
  • að ljós var á innsiglingavita þegar skipið kom til hafnarinnar.  Samkvæmt upplýsingum frá hafnarstarfsmönnum hafa sjómenn verið að kvarta um að þau séu dauf og falli inn í ljós þorpsins þangað til komið er nokkuð nálægt höfninni;
  • að ekki er sérstök aðvörunarmerking (bauja) á umræddum grynningum;
  • að á árinu 2006 lagði hafnarnefnd staðarins til að ljósbauja yrði sett út hjá þessum grynningunum.  Þessari tillögu var hafnað af sveitastjórn;
  • að verklagsregla hafnarinnar við komu skipa er sú að tveir menn taka á móti þeim og eru þeir þá eingöngu í símasambandi við þau.  Þeir höfðu ekki VHF talstöðvar;
  • að skipstjórinn hafði hringt í hafnarvörð og tilkynnt um komu skipsins.  Hafnarvörðurinn hafði áhyggjur af siglingu skipsins og ætlaði að hafa samband við skipið en hafði ekki símanúmerið um borð við hendina.  Símanúmer  skipsins birtist sem leyninúmer um númerabirtingu hafnarvörðsins.  Hafnarvörðurinn hafði símanúmer hjá umboðsaðila skipsins og reyndi að hringja í fulltrúa hans en án árangurs;
  • að hægt er að fá hafnsögumann eða bátsfylgd frá höfninni sé þess óskað.  Ekki eru sérstakir aðilar í þessum störfum og ráða aðstæður á staðnum um hverjir eru tiltækir til þessara starfa;
  • að atvikið var ekki tilkynnt til neinna opinberra aðila samkvæmt reglugerð um Hafnarríkiseftirliti nr. 589/2003.  Fyrst fréttist af atvikinu í gegnum fjölmiðla.
 
 

 Nefndarálit
 

Nefndin telur að orsök strandsins megi rekja til eftirfarandi þátta:

 

  1. Að skipstjóri skuli ekki hafa um borð viðeigandi sjókort og tekið þá ákvörðun að taka höfn án þeirra og/eða óska eftir leiðsögn á staðnum.
  2. Að ekki skulu vera góð leiðsögumerki fyrir skip og ljósbauja við grynningarnar eins og hafnarnefnd lagði til.
  3. Að hafnarstarfsmenn gátu ekki haft samband við skipið með viðurkenndum búnaði s.s. VHF fjarskiptatæki.

 

 

Sérstök ábending:

 

Nefndin leggur til að hafnaryfirvöld sjái til þess að starfsmenn á þeirra vegum séu með VHF fjarskiptatæki til öruggra samskipta við skipstjórnendur.

 
 

 Tillögur í öryggisátt
 

Vegna breyttra aðstæðna varðandi siglingar í kringum landið og fjölda ókunnugra skipstjórnenda telur nefndin ástæðu til að gera eftirfarandi tillögur í öryggisátt:

 

  1. Nefndin telur að Siglingastofnun Íslands skuli hlutast til um viðeigandi úttekt á höfnum landsins með sérstaka áherslu á siglingamerki og ljósbaujur, hafnarkort, fjarskiptabúnað, skyldur umboðsaðila erlendra skipa og þjálfun starfsmanna hafnanna.
  2. Nefndin telur að Siglingastofnun Íslands skuli hlutast til um að hafnaryfirvöld hafi aðgang að vissum leiðsögumönnum til að tryggja öryggi skipa.
 
 
Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [34.231.21.123] miðvikudagur 13. nóvember 2019 01:09 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis