RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (108)
131/12  23473-19.06.13
118/12  24003-19.06.13
046/12  20734-08.10.12
154/11  29209-05.06.12
145/09  66034-21.02.11
129/08  37987-20.04.09
126/08  42163-02.03.09
121/08 38938-02.03.09
010/08  41563-30.11.08
160/07  43731-06.05.08
 3 af 11   
Til bakaTil bakaPrentvæn útgáfa 121/08  - Happadís  GK 16
  Happadís GK 16, ásigling í Mjóafirði   
 Heimsóknir: 38939 Uppfært: 02.03.09 

  Happadís GK 16
Skipaskr.nr.: 2652
Smíðaður: Akranesi 2006 plast
Stærð: 11,30 brl; 14,70 bt
Lengd: 12,74 m Breidd: 3,94 m Dýpt: 1,56 m
Vél: Yanmar 314,00 kW Árgerð: 2006
Annað: 
Fjöldi skipverja: 2 

Happadís©Lögreglan 
 

 Atvikalýsing
 

Þann 3. september 2008 var Happadís GK 16 á siglingu á miðjum Mjóafirði.  Veður:  N 9-13 m/s, myrkur.

 

Á siglingunni var bátnum siglt á fiskeldiskví með þeim afleiðingum að hann lenti inn í henni.  Eftir lauslega skoðun á bátnum ákvað skipstjórinn að sigla út úr henni aftur og þurfti að beita miklu vélarafli til þess.

 

Skemmdir urðu á stefni og bóg bátsins en leki kom ekki að honum.  Á kvínni bognuðu handrið og uppistöður brotnuðu á kafla.

 

 
 

 Við rannsókn kom fram
 
  • að kvíin er gerð úr 96 mm sverum rörum og liggja þau þrjú saman og mynda hring sem er 35 metra að þvermáli. Ekki er fiskipoki neðan í rörunum. Engar merkingar voru við kvína annað en radarspegill með  ljósabúnaði en engu ljósi. Þessi búnaður hafi lagst í sjó við áreksturinn að sögn eiganda;
  • að skipstjóri sagðist ekki hafa séð radarspegil eða ummerki um hann á kvínni og hafi hann tekið myndir sem rökstyðji það;
  • að skipstjóri sagðist margsinnis hafa lagt fiskilínu þarna í firðinum og hann hafi verið búinn að merkja í siglingatölvu staðsetningu allra annarra kvía sem lagt hafi verið á firðinum. Engin þeirra er merkt með ljósmerkjum en á hverri þeirra var radarspegill og þær afmarkaðar með fjórum belgjum og gulum kúlum.  Hann taldi að umrædd kví hefði nýverið verið lagt þarna og  staðfesti eigandi það;
  • að í Mjóafirði eru fisieldiskvíar merktar inn í sjókorti nr. 73 gefið út 2007, og samkvæmt upplýsingum eiganda kvíarinnar var henni lagt í legufæri frá kví sem þarna var og merkt er í sjókortið;
  • að sjókort nr. 73 var um borð en fram kom að það var ekki notað heldur einungis siglingatölva;
  • að radar var ekki í gangi en skipstjóri taldi sig ekki þurfa hann þar sem ekki var dimmviðri og aðeins náttmyrkur;
  • að engin kví var merkt samkvæmt reglugerð 238/2003 eða ákvæðum Alþjóða vitastofnunarinnar IALA í kerfi A sérmerkingar;
  • að samkvæmt 27. grein reglugerðar um eldi nytjastofna sjávar. nr. 238/ 2003 er krafist dag- og næturmerkja í samræmi við „sérmerkingar Alþjóða vitastofnunarinnar (IALA)“ en í þessari grein reglugerðarinnar er einnig sagt að; „Ljóseinkenni: Gult leifturljós á 3-5 sekúndna millibili“.
 
 

 Nefndarálit
 

Orsakir atviksins voru þær að fiskeldiskvíin var ekki merkt í samræmi við reglur og aðgæsluleysi stjórnanda bátsins við siglingu skipsins um merkt hættusvæði.

 
 

 Tillögur í öryggisátt
 

Að gefnu tilefni leggur nefndin til að Siglingastofnun Íslands hlutist til um sérstaka athugun á aðvörunarmerkingum fiskeldiskvía og þær verði undantekningalaust í samræmi við alþjóðareglur.

 
 
Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [34.231.21.123] miðvikudagur 13. nóvember 2019 00:18 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis