RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (108)
131/12  23473-19.06.13
118/12  24003-19.06.13
046/12  20734-08.10.12
154/11  29209-05.06.12
145/09  66033-21.02.11
129/08 37986-20.04.09
126/08  42163-02.03.09
121/08  38938-02.03.09
010/08  41563-30.11.08
160/07  43730-06.05.08
 3 af 11   
Til bakaTil bakaPrentvæn útgáfa 129/08  - Óli Gísla  GK 112
  Óli Gísla GK 112, eldur í vélarúmi og dreginn til hafnar   
 Heimsóknir: 37987 Uppfært: 20.04.09 

  Óli Gísla GK 112
Skipaskr.nr.: 2714
Smíðaður: Reykjavík 2006 plast
Stærð: 18,18 brl; 15,00 bt
Lengd: 13,02 m Breidd: 4,57 m Dýpt: 1,90 m
Vél: Yanmar 323,00 kW Árgerð: 2007
Annað: 
Fjöldi skipverja: 3 

Óli Gísla©Jón P Ásgeirsson 
 

 Atvikalýsing
 

Þann 27. september 2008 var Óli Gísla GK 112 á línuveiðum í Húnaflóa.  Veður:  SV 4-11 m/s.

 

Skipverjar höfðu nýlokið veiðum og voru að snúa bátnum til hafnar þegar brunaviðvörunarkerfi fyrir vélarúmið fór í gang.  Skipstjórinn sá mikinn reyk þar í myndavélum og eldur braust fljótt út.  Hann lét loka öllum opum að vélarúminu og gangsetti AEROSOL slökkvikerfið sem slökkti eldinn.  Óskað var eftir aðstoð.

 

Björgunarskipið Húnabjörg kom á staðinn og dró Óla Gísla GK til hafnar á Skagaströnd.  Skemmdir urðu á rafmagnsköplum, ljósum, rafölum og öðrum búnaði.

 

 
 

 Við rannsókn kom fram
 
  • að u.þ.b. 20 mm rifa hafði komið á 16 mm vökvaþrýstirör (saumrör) fyrir bógskrúfu í beygju og lekinn frá henni var í beinni stefnu á pústgrein. Pústgreinin var einangruð en talið er að hlífin hafi orðið gegnsósa af olíunni við lekann og eldur orðið laus;
  • að vökvaþrýstirörið lá eftir afturþili í vélarúminu og þaðan eftir stokk fram í bógskrúfurýmið;
  • að bógskrúfan er mest lestaði notandinn á vökvakerfinu og hafði verið mikið notuð þennan dag;
  • að bógskrúfan þurfti 44 ltr/mín til að ná hámarksafköstum sem náðust við um 225 bar þrýsting og var stjórnlokinn stilltur samkvæmt því.  Hiti olíunnar við hámarksnotkun varð 32-40°C kælt;
  • að við skoðun á vökvaþrýstirörinu kom í ljós að það var vottað af Det Norske Veritas (DNV) fyrir 181 bar þrýsting við 20°C;
  • að merking vökvaþrýstirörsins er eftirfarandi:  

16,00x2,00 * 1.4404 * NR 403171* DIN 17457 *  K3 W-1 * D3 /T3 

 

Skýringar á merkingu:

Stærð:                                    16,00x2,00mm

Efnisgæði:                               EN 1.4404

Framleiðslunúmer:                    NR 403171

Framleiðslustaðall efnis:            DIN 17457

Rör framl. úr kaldvölsuðu stáli:  K3

Suðufaktor:                             W-1

Málvik:                                   D3 /T3

 

 

  • að samkvæmt upplýsingum frá Siglingastofnun Íslands (SÍ) er ekki til í íslenskum reglum hvort vökvaþrýstirör skulu vera heildregin eða sett saman þ.e. saumrör.  SÍ benti á að í reglum DNV sé gert ráð fyrir að vökvaþrýstirör geti verið að báðum gerðum að uppfylltum ákveðnum skilyrðum.   Samkvæmt reglunum skulu saumrör vera soðin saman með sérstökum aðferðum sem upp eru taldar þar og saumur skal fara í gegnum 100% skoðun;
  • að framleiðandi bátsins taldi að rörið ætti að þola 235 bar við 32-40°C og smásali hans taldi það þola 283 bar við 20°C;
  • að ekki var hægt að fá fram upplýsingar um hvað margir bátar væru með svona búnað þar sem lagnir af þessu tagi væru oftast lagðar af vertökum;
  • að tvær myndavélar voru í vélarúminu og má ætla að þær hefðu komið í veg fyrir meira tjón;
  • að fram kom hjá söluaðila vökvaþrýstilagna að oftar en ekki réði verð vali viðskiptavina en ekki gæði.
 
 

 Nefndarálit
 

Nefndarálit:

 

Orsök þess að eldur varð laus var að röng gerð af vökvaþrýstirörum var notuð.

 

Nefndin telur þennan frágang mjög hættulegan og ógni alvarlega öryggi báta.

 

Nefndin telur að myndavélaeftirlitsbúnaður í vélarúmi hafi sannað gildi sitt og sé til eftirbreytni fyrir aðra.

 

 

Sérstök ábending:

 

Nefndin hvetur rekstraraðila báta með svona búnað og bátasmiði að huga strax að því hvort vökvaþrýstilagnir sem eru í notkun eða á að fara nota standist það álag sem þeim er ætlað.

 
 

 Tillögur í öryggisátt
 

Nefndin telur ástæðu til að gera eftirfarandi tillögur í öryggisátt til Siglingastofnunar Íslands:

  1. Að settar verði íslenskar leiðbeinandi reglur um gerð vökvaþrýstilagna fyrir mismunandi kerfi.
  2. Að Siglingastofnun Íslands hlutist til um úttekt á ástandi vökvaþrýstilagna sem eru í notkun í bátum með vökvakerfi til bógskrúfu.
  3. Að Siglingastofnun Íslands sjái til þess að aðvörun þessa efnis verði auglýst tafarlaust og með skilvirkum hætti.
 
 
Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [34.231.21.123] miðvikudagur 13. nóvember 2019 00:01 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis