Warning: Creating default object from empty value in /home/content/24/4301324/html/inc_PrentaSkyrsluAdili_events.php on line 100
RNS > Skýrsla > Prenta
  114/00  - M.s. Zuljalal kallm. VRVV3
  M.s. Zuljalal siglir á bryggju í Reykjavík  
 

  M.s. Zuljalal kallm. VRVV3
Skipaskr.nr.: 
Smíðaður: 1978 úr stáli
Stærð: 10.320,00 brl;  bt
Lengd: 145,50 m Breidd: 21,04 m Dýpt:  m
Vél:   kW Árgerð: 
Annað: 
Földi skipverja: 11


 
 

 Atvikalýsing
 

Hinn 1. desember 2000 var m.s. Zuljalal, VRVV3 siglt inn til Reykjavíkurhafnar. Veður: austan 2-3 vindstig, skýjað, 6°C.

Kl. 15:40 kom hafnsögumaður um borð á Ytrihöfn Reykjavíkur og var skipinu siglt áleiðis að Kornbakkanum í Sundahöfn. Til aðstoðar voru tveir hafnsögubátar. Þegar komið var á móts við bryggju Viðeyjarferjunnar gaf hafnsögumaður tilmæli um að stöðva vél og var annar hafnsögubátur tengdur við skipið að framan en hinn var tilbúinn til að ýta á skipið að aftan. Skömmu síðar óskaði hafnsögumaður eftir því að vél væri látin vinna aftur á bak. Er hafnsögumaður taldi að skipið hægði ekki á sér óskaði hann eftir að vélin yrði keyrð á fullu afli aftur á bak samtímis því að hafnsögubáturinn að framan togað skipið yfir til stjórnborða til þess að ná snúningnum inn fyrir grjótgarðinn "Ábóta".

Um það leyti sem skipið kom á móts við ytri enda á Korngarðinum óskaði hafnsögumaður eftir því að bakborðsakkeri yrði látið falla, einn lið á spil. Þrátt fyrir þetta hélt skipið áfram á talsverðum hraða og sigldi á Sundabakka í horninu þar sem Sundabakki og Kornbakkinn mætast. Gat kom á stefni skipsins og einhverjar skemmdir urðu á bryggjunni. Eftir áreksturinn var skipinu lagt að Korngarðinum.

 
 

 Við rannsókn kom fram
 
  • að skipstjóri sagðist hafa fylgt leiðbeiningum hafnsögumanns;
  • að skipið var búið skiptiskrúfu;
  • að við stjórnun skipsins fannst hafnsögumanni óeðlilegt hvað langan tíma tók að draga úr hraða eða stöðva skipið. Sagði hafnsögumaður að svipuð niðurstaða hefði fengist hjá hafnsögumanninum á Akranesi þegar hann fór með skipið til Grundartanga. Taldi hafnsögumaður að um bilun væri að ræða í vélbúnaði eða vanstillingu á búnaði til stillingar á stigningu skrúfu;
  • að þeim sem tóku á móti skipinu fannst að óeðlilega lítið skrúfuvatn hefði myndast við að beita vél fullt aftur á bak.
 
 

 Nefndarálit
 

Nefndin telur að orsök atviksins megi líklega rekja til þess að drifbúnaður skipsins hafi ekki verið í fullkomnu lagi.