Warning: Creating default object from empty value in /home/content/24/4301324/html/inc_PrentaSkyrsluAdili_events.php on line 100
RNS > Skýrsla > Prenta
  045/01  - Baldur 
  Baldur, Breiðarfjarðaferjan, skipverji slasast þegar við að fá fosfórsýru (ryðhreinsi) í andlitið  
 

  Baldur
Skipaskr.nr.: 2044
Smíðaður: Akranesi 1990 Stál
Stærð: 301,00 brl; 645,00 bt
Lengd: 39,40 m Breidd: 9,20 m Dýpt: 6,60 m
Vél: Caterpillar x 2 1.038,00 kW Árgerð: 1990
Annað: 
Földi skipverja: 7


 
 

 Atvikalýsing
 

Þann 19.maí 2001 var Baldur staddur í höfn í Stykkishólmi. 

 

Verið var að undirbúa sýruþvott á bakborðssíðu Baldurs.  Skipverji hafði lokið við að setja efnið sem notað var yfir á þrýstikút sem notaður var við verkið.  Hann var að dæla upp þrýstingi á kútinn með loftdælu þegar lok kútsins gaf sig með þeim afleiðingum að sýran þrýstist upp úr honum og í andlit skipverjans.

 

Byrjað var að skola hinn slasaða um borð með léttu saltvatni og síðan farið með hann á sjúkrahúsið á Stykkishólmi og þaðan á Landsspítalann í Reykjavík. 
 

 Við rannsókn kom fram
 
  • að efnið sem verið var að nota er sýruvask frá ARROW, sem er ryðeyðir og inniheldur fosfórsýru með sýrustiginu PH 0,2.
  • að þrýstikúturinn var 8-9 ára gamall;
  • að öryggiventill var á kútnum sem átti að virka á þann veg að þegar fullur þrýstingur var kominn á kútinn átti hann að hleypa af honum yfirþrýstingnum;
  • að hinn slasaði var  hvorki með hlífðargleraugu né í hlífðarfatnaði;
  • að ekki var búið að dæla fullum þrýstingi á kútinn;
  • að við rannsókn á skrúfgengjum á kútnum komu fram tognun í plastinu;
  • að öryggisventill stóð á sér;
  • að samkv. niðurstöðu prófana bendir ekkert til að þrýstingur við pumpun hafi valdið því að kúturinn gaf sig en að líkur eru á að aðskotaefni og/eða aðskotahlutur hafi verið í kútnum;
  • að samkv. upplýsingum frá söluaðila þá eru sambærilegir kútar í dag ekki fyrir sýru;
  • að þegar kúturinn var keyptur á sínum tíma í samráði við söluaðila var sérstaklega óskað eftir því að hann yrði fyrir fosfórsýru.
 
 

 Nefndarálit
  Nefndin telur að kúturinn sem notaður var hafi ekki verið í lagi og viðhaldi hans ábótavant.  Þá átelur nefndin að ekki hafi verið notaður viðeigandi hlífðarbúnaður við verkið.   

 Tillögur í öryggisátt
  Nefndin beinir því til útgerðaraðila og áhafna að setja reglur um meðferð hættulegra efna um borð í skipum sínum.  Þá eigi það að vera ófrávíkjanleg regla að skipverjar klæðist viðeigandi hlífðarfatnaði og hlífðargleraugum þegar  unnið er með hættuleg efni.