Warning: Creating default object from empty value in /home/content/24/4301324/html/inc_PrentaSkyrsluAdili_events.php on line 100
RNS > Skýrsla > Prenta
  066/01  - Örn KE-13
  Örn KE-13, mannopslok á lestarlúgu fellur á skipverja  
 

  Örn KE-13
Skipaskr.nr.: 1012
Smíðaður: Florö Noregi 1966 Stál
Stærð: 566,00 brl; 949,00 bt
Lengd: 55,51 m Breidd: 10,00 m Dýpt: 7,00 m
Vél: MAN B&W Alpha 2.135,00 kW Árgerð: 1998
Annað: 
Földi skipverja: 


 
 

 Atvikalýsing
 

Þann 25. mars 1999 lá m.s. Örn KE-13, við bryggju í Njarðvíkurhöfn.

 

Skipverjar unnu að þrifum í vertíðarlok og  voru tveir þeirra við að opna fremstu lestarlúgu bakborðsmegin.  Annar húkkaði lúgulokinu í gilskrókinn en hinn hífði með krana skipsins.  Sá skipverjinn sem var við lúguhlerann hafði einnig það hlutverk að setja festingar á lúguna þar sem hún í opinni stöðu féll að styttu.

 

Skipverjinn stóð við lúguhleran sem var í lóðréttri stöðu og var að festa hann með tersa sem halda átti lúgunni.  Á lúguhleranum var mannop sem þá skyndilega opnaðist og lenti á hægri hönd skipverjans sem slasaðist.  
 

 Við rannsókn kom fram
 
  • að mannopslokið var ekki tersað aftur;
  • að þegar lestarhlerinn var opinn sneru lamir mannopsloksins niður.
 
 

 Nefndarálit
  Nefndin telur orsök slyssins megi rekja til hönnunargalla á mannopslokinu og því að skipverjarnir hugðu ekki að því að mannopið væri skálkað aftur áður en lúguhlerinn var opnaður.