• að sterkar ediksýrugufur geta valdið sviða í augum og hálsi;
• að vegna fjölda lúga og fyrirkomulags þeirra á þilfarinu þurftu skipverjar mikið að ganga á þeim með tilheyrandi erfiðleikum.  Fram kom að menn væru mikið að hrasa við þessar aðstæður; 
• að ný áhöfn var á skipinu nema sá slasaði sem var þar til leiðsagnar.  Fram kom hjá honum að fram að þessu hefðu munnlegar verklagsreglur kveðið á  um að hafa einungis opið það sem var verið að vinna við og loka því síðan strax að verki loknu.  Nýrri áhöfn hafði ekki verið kynntar þessar verklagsreglur;
• að ekki var farið eftir öryggisleiðbeiningum seljanda um meðferð ediksýrunnar en hann segist hafa komið öryggisleiðbeiningum í hvert skip þegar  ediksýra var afgreidd í fyrsta sinn;
• að sögn skipstjóra var hann búinn að vera á skipum sem notuðu ediksýru í mörg ár en minntist þess ekki að hafa séð nein fyrirmæli frá söluaðila um meðhöndlun efnisins.  Hann kvað þó hugsanlegt að fyrirmæli hefðu komið frá seljanda eftir eiturefnaslysið í sundlauginni á Eskifirði en eftir það hafi meðhöndlun eiturefna batnað til muna;
• að skipstjóri benti á að ediksýru ætti ekki að afgreiða um borð öðruvísi en með sérstakri slöngu beint niður í lestar eins og hann væri farinn að gera.  Þá væri líka hægt að blanda því í vatnið sem tekið er í lestarnar en við svo mikla blöndun væri það hættuminna;
• að sögn starfsmanns í landi hefur ediksýru ekki verið blandað saman við vatn hjá löndunaraðilanum;
• að í öryggisleiðbeiningunum söluaðila um ediksýru 80% kemur m.a. fram að menn skuli búnir eftirfarandi persónuvörnum:
• Öndunargrímu með viðeigandi síu eftir styrk mengunar eða ferskloftstæki þegar unnið er í langan tíma með efnið eða þegar hætta er á að það fari yfir mengunarmörk.
• Vel lokuðum öryggisgleraugum.
• Viðeigandi hlífðarfatnaði.
• að ekki voru til hlífðargleraugu eða öndunargrímur um borð og varnir gegn ediksýrunni því eingöngu vettlingar, stígvél og sjógalli;
• að sögn löndunaraðila hefur hann eftir slysið fengið möppur hjá söluaðila um meðferð eiturefna og dreift þeim í skip sem eru í viðskiptum við hann;
• að ekki lá fyrir áhættumat fyrir skipið.

Orsök slyssins er óaðgæsla við meðferð hættulegra efna.

Nefndin átelur að ekki hafi verið til staðar í skipinu nauðsynlegur öryggisbúnaður til notkunar við meðhöndlun á hættulegu efni. 

Þá hvetur nefndin skipstjórnarmenn að halda til haga öryggisleiðbeiningum og öðrum leiðbeiningum um meðhöndlun hættulegra efna sem notuð eru í skipum.  Þær á að kynna skipverjum reglulega og vera þáttur í öryggisæfingum.  

Sérstök ábending:

Nefndin hvetur skipstjórnarmenn til að framfylgja reglum um áhættumat á skipum og hafa skráðar verklagsreglur þar sem því verður við komið.

Nefndin beinir því til Siglingastofnunar að gerð verði sérstök könnun á hversu algengt sé að reglum um áhættumat í skipum sé ekki framfylgt.