Þann 1. desember 2007 var Brokey BA 336 í Reykjavíkurhöfn.  Veður:  NA / A  10-20 m/s um nóttina en gott veður var þegar hann sökk um kl. 16:00.

Báturinn hafði legið lengi í höfninni án góðrar umhirðu og urðu vegfarendur varir við að hann hafði sokkið.

Myndin sýnir undirbúninginn við að hífa bátinn af botni.  Báturinn sökk við olíubryggjuna og þurfti að færa hann eftir botni að annarri bryggju þar sem hægt var að ná honum upp.

• að eigandi bátsins sagði að dælt hafi verið austri úr bátnum á tveggja mánaða fresti enda hafi hann lítið lekið;
• að báturinn hafði verið í slipp í eitt og hálft ár en var tekinn niður fyrir um þremur árum og lá hann eftir það í ýmsum leguplássum í höfninni.  Að sögn starfsmanna hafnarinnar var dælt úr honum eftir þörfum og hafði hafnarstarfsmaður farið um borð tveimur dögum áður en báturinn sökk.  Taldi hann þá ekki ástæðu til að dæla austri;
• að bolskoðun gilti til 6. desember 2007, öxulskoðun gilti til 2. apríl 2007 og botnlokar voru endurnýjaðir 4. apríl 2003.  Ekkert rafmagn var á rafkerfinu svo engin tæring hefur verið af þess völdum;
• að um það bil 3 tonn af olíu var í tönkum;
• að fram kom hjá höfninni að lagt hefur verið í verulegan kostnað við að dæla olíu úr bátnum til að kom í veg fyrir olíumengun frá honum.   Þá sé  fyrirsjáanlegur mun meiri kostnaður þegar báturinn verður tekinn upp og ekki er ljóst hver muni bera þann kostnað.  Fram kom að hafnaryfirvöld hafa lítil úrræði við svokölluðum óreiðuskipum.

Nefndin ályktar ekki í málinu enda óljóst hvers vegna báturinn sökk þar sem hann liggur enn á hafsbotni.