RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (114)
003/03  51384-22.12.04
062/00  61516-21.12.04
061/04  50217-23.11.04
059/04 43519-23.11.04
031/04  38302-23.11.04
009/04  48321-23.11.04
105/01  41984-17.11.04
082/00  74003-23.09.04
013/00  65545-23.09.04
041/00  67318-23.09.04
 6 af 12   
Til bakaTil bakaPrentvæn útgáfa 059/04  - Snorri Sturluson VE 28
  Snorri Sturluson VE 28, þrír skipverjar hætt komnir við sjósetningu á léttbát   
 Heimsóknir: 43520 Uppfært: 23.11.04 

  Snorri Sturluson VE 28
Skipaskr.nr.: 1328
Smíðaður: San Juan, Spánn 1973 stál
Stærð: 1.096,00 brl; 1.464,00 bt
Lengd: 74,62 m Breidd: 11,60 m Dýpt: 7,50 m
Vél: Wärtsilä 2.460,00 kW Árgerð: 1995
Annað: 
Fjöldi skipverja:  

Snorri Sturluson©Hilmar Snorrason 
 

 Atvikalýsing
 

Þann 18. apríl 2004 var Snorri Sturluson VE 28 utan við Vestmannaeyjar.  Veður:  Logn, heiðskírt og sjávarhiti 7,7°.

 

Fyrr um daginn hafði verið látið reka sunnan við Vestmannaeyjar og unnið við þrif eftir veiðiferð.  Um hádegi voru skipverjar ferjaðir í land.  Seinna um daginn var haldið upp undir Ystaklett til að ferja einn skipverja til viðbótar í land. 

 

Þegar skipið var á um 5 hnúta ferð fóru bátsverjar í bátinn og formaður hans gaf skipun að slaka niður með síðunni.  Hann gangsetti vélina og reyndi að kúpla að skrúfu en það tókst ekki áður en báturinn snerti hafflötinn.  Bátinn rak hratt aftur með síðunni og aftur fyrir skipið án þess að það tækist að losa krókinn, þó slakað væri viðstöðulaust.  Þegar gilsinn þraut hvolfdi bátnum og bátsverjar lentu í sjónum en báturinn dróst áfram með skipinu.

 

Skipstjóri heyrði köll aftur á skipinu og sá hvar mennirnir flutu í sjónum.  Hann stöðvaði skipið og snéri því til þeirra og kallaði út skipverja auk þess að óska eftir aðstoð úr landi. 

 

Björgunarbátur var sendur úr Vestmannaeyjahöfn og náði hann mönnunum úr sjónum við skipssíðuna.  Einn fór þaðan um borð í skipið aftur en hinir voru fluttir til lands þar sem annar þeirra var fluttur á sjúkrahús til aðhlynningar. 
 

 Við rannsókn kom fram
 
  • að langlína var ekki notuð við sjósetningu bátsins.  Línan hafði verið fjarlægð síðast þegar skipið var málað og ekki sett upp aftur.  Fram kom að viðkomandi bátsformaður notaði aldrei langlínu við sjósetningu er hann var við stjórn hans en einhverjir aðrir notuðu hana;
  • að sögn skipstjóra var venja að hann eða yfirstýrimaður heimilaði sjósetningu, svo var ekki í þetta skipti;
  • að bátsformaður hugðist sigla samsíða skipinu meðan verið var að húkka gilsinu úr sylgjunni, eins og hann var vanur;
  • að spilmaður stóð við stjórntækin á krananum og hann sá ekki bátinn eftir að hann hvarf niður með síðunni.  Hann varð því ekki meðvitaður um vandræðin fyrr en um seinan;
  • að enginn skipverji var á lunningu til að segja spilmanni til þrátt fyrir venju þar um ;
  • að engar skriflegar vinnureglur eru um notkun og meðferð léttbáts og óljóst var um munnleg fyrirmæli;
  • að engar árar voru tiltækar til að róa bátnum;
  • að léttbáturinn var óskemmdur en eldsneytistankur hans tapaðist.
 
 

 Nefndarálit
 

Meginorsök óhappsins var að ekki var notuð langlína við sjósetningu bátsins.  Meðvirkandi þættir voru skortur á verklagsreglum um sjósetningu léttbáta og sjálfsagða tilsögn um hífinguna.

 

Sérstakar ábendingar:

 

Nefndin bendir á að þau slys sem borist hafa nefndinni vegna sjósetningu léttbáta eiga öll það sameiginlegt að ekki voru notaðar langlínur.  Áréttar nefndin sjómenn á mikilvægi langlínu við sjósetningu.

 

Með notkun langlínu í umræddu tilviki hefði báturinn haldist við síðuna á sömu ferð og skipið þrátt fyrir að bátsstjóranum tækist ekki að setja skrúfuna á.  Þá hefðu skipverjar og geta losað gilskrókinn án teljandi hættu. 

 

Nefndin bendir á að Siglingastofnun Íslands hefur, í tengslum við langtímaáætlun í öryggismálum sjómanna, gefið út ítarlegt fræðsluefni m.a. um sjósetningu léttbáta.  Mikilvægt er að sjómenn kynni sér þetta efni og hafi það til hliðsjónar við gerð verklagsreglna um alla meðferð léttbáta.   
 

 Tillögur í öryggisátt
 

Í ljósi tíðra óhappa í meðförum léttbáta telur nefndin ástæðu til að ítreka (sjá mál nr. 009/04) eftirfarandi tillögur í öryggisátt:

 

  1. Að námskeið fyrir skipverja sem annast og meðhöndla léttbáta verði skylduð.
  2. Að skriflegar verklagsreglur um sjósetningu léttbáta verði til í öllum skipum sem búin eru slíkum bátum.
 
 
Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [44.211.239.1] þriðjudagur 07. febrúar 2023 12:30 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis