RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (114)
084/00  65690-23.09.04
072/00  58276-23.09.04
034/00  63773-23.09.04
090/00  62899-23.09.04
103/00  55971-23.09.04
102/00  55031-23.09.04
056/00  51326-23.09.04
028/00 53432-23.09.04
036/01  54627-23.09.04
035/01  44688-23.09.04
 8 af 12   
Til bakaTil bakaPrentvæn útgáfa 028/00  - M.b. Bylgjan VE-75
  Bylgjan VE-75, skipverji slasast er hann fellur niður stiga þegar brotsjór ríður á skipinu   
 Heimsóknir: 53433 Uppfært: 23.09.04 

  M.b. Bylgjan VE-75
Skipaskr.nr.: 2025
Smíðaður: á Akureyri 1992 úr stáli
Stærð: 277,44 brl; 451,00 bt
Lengd: 36,63 m Breidd: 8,60 m Dýpt: 6,50 m
Vél: Yanmar 730,00 kW Árgerð: 1991
Annað: 
Fjöldi skipverja: 18 

Bylgjan ©Þorgeir Baldursson 
 

 Atvikalýsing
 

Í janúar 1998 var m.b. Bylgjan VE-75 á siglingu. Vakthafandi vélstjóri þurfti að fara á stjórnpall til viðræðna við vakthafandi skipstjórnarmann um að minnka álag á aðalvél vegna þess að afgashiti væri of hár. Þegar vélstjóri var á leiðinni upp stigann að stjórnpalli fann hann að gluggi var opinn á stjórnpallinum og talsverður dragsúgur. Er hann kom upp sá hann að bleyta var á kortaborði og stiga en skipstjórnarmaður var að loka glugganum. Vélstjóri gerði skipstjórnarmanni grein fyrir því að minnka þyrfti afl á aðalvél vegna þess að hiti á afgasi var of hár og var afl vélarinnar minnkað. Vélstjórinn hugðist þá fara niður stigann af stjórnpalli þegar brotsjór reið á stefni skipsins stb.-megin er leiddi til þess að hann missti hand- og fótfestu í stiganum og kastaðist aftur eftir og féll niður á þilfarið fyrir neðan. Tók það vélstjórann nokkra stund að jafna sig eftir fallið svo að hann kæmist af eigin rammleik aftur í borðsal til frekari hvíldar. Vakthafandi skipstjórnarmaður kom á stigaskörina til að huga að því hvað hefði gerst þegar skipverjinn féll en þeir voru aðeins tveir vakandi í skipinu á þessum tíma.

 
 

 Við rannsókn kom fram
 
  • að ekki var bókað í dagbók skipsins um atvikið og vakthafandi stýrimaður sagðist ekki hafa haft hugmynd um að eitthvað hafi gerst fyrr en eftir að skýrslur voru gefnar hjá lögreglu í febrúar 2000 þegar talinn slasaður hafði samband við hann út af atvikinu;
  • að hinn slasaði sagðist hafa ítrekað áréttað við skipstjórnarmann um að bóka um atvikið í dagbók skipsins;
  • að lögregluskýrslur vegna þessa atviks voru fyrst gerðar í febrúar 2000;
  • að ekki hefur verið tilkynnt til Tryggingastofnunar ríkisins um atvikið í jan. 2001.
 
 

 Nefndarálit
 

Nefndin telur að koma megi í veg fyrir slys af þessum toga ef menn snúa sér að stiganum í stað þess að ætla sér að fara niður og snúa baki að þrepum.

 
 

 Tillögur í öryggisátt
 

Nefndin telur það varhugavert að fara um stiga í skipi með því að snúa baki í þrepin. Þarf þá að taka tillit til hvíluflatar fótar á stigaþrepi og öryggi handfestu á handriði. Öryggi handfestar á handriði þegar baki er snúið í þrepin og fara á niður stigann er stórlega skert miðað við að snúa að stiganum.

Nefndin vill benda skipstjórnarmönnum á ábyrgð þeirra á að skrá í dagbók skipsins samkvæmt gildandi lögum og reglum um færslu skipsbóka. Skrá skal atvik er verða og geta haft þýðingu fyrir ferð skips og öryggi þess eða manna sem á því eru. Vill nefndin vekja sérstaka athygli á skyldu skipstjórnarmanna að skila skýrslu til Tryggingastofnunar ríkisins um öll atvik er geta orðið bótaskyld, þ.e. öll slys eða atvik er verða og geta leitt til bótaskyldu.

 
 
Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [3.238.118.80] sunnudagur 04. desember 2022 10:49 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis