RNS.IS    
English translation of regulationsEnglishFlokkunFundirLeitNefndinTenglasafnTilkynnaTillögurTölfræði Upphafssíða
Skýrslur (114)
070/20  104216-19.05.21
059/19  58400-09.06.20
141/18  49797-09.06.20
132/18  42275-15.01.20
075/16  40907-15.01.20
062/19  31460-13.11.19
108/18  35580-11.04.19
127/17  29171-04.05.18
009/17  29408-13.10.17
038/16  29526-30.08.17
 1 af 12   
Til bakaTil bakaPrentvæn útgáfa 002/13  - Ronja  SH 53
  Ronja SH 53, skipverji flækist í veiðarfærum og fer útbyrðis   
 Heimsóknir: 32022 Uppfært: 21.10.13 

  Ronja SH 53
Skipaskr.nr.: 1524
Smíðaður: Skagaströnd 1978 plast
Stærð: 18,28 brl; 22,03 bt
Lengd: 13,85 m Breidd: 3,77 m Dýpt: 1,77 m
Vél: Pegaso 100,00 kW Árgerð: 1984
Annað: 
Fjöldi skipverja: 2 

Ronja©NN 
 

 Atvikalýsing
 
Þann 12. janúar 2013 var Ronja SH 53 á síldveiðum á Breiðafirði. Veður: SSV 1-4 m/s, lofthiti +1,3° og sjávarhiti +3,9°.
 
Bátsverjar voru að klára að leggja síldarlagnet á lítilli ferð og þegar skipstjórinn ætlaði að henda endabelgnum fann hann að bugt á færinu hertist um hægri fót hans. Hann tók það til ráðs að hoppa með færinu í sjóinn. Hinn bátsverjinn kunni ekki á stjórntæki bátsins og sigldi á hægri ferð frá skipstjóranum þar til hann náði að stöðvaði vélina.
 
Nærstaddur bátur, Álfur SH, kom fljótlega á staðinn og náði skipstjóranum úr sjónum. Honum varð ekki meint af volkinu en hann hékk á belgnum í u.þ.b. 10 mín.
 
 

 Við rannsókn kom fram
 
  • að tvö net mynduðu þessa trossu sem var lögð niður á skut bátsins með flotið og færin stjórnborðsmegin en blýteinninn bakborðsmegin og var skipverjinn sem aðstoðaði við lagninguna þeim megin í lok lagningar;
  • að skipstjórinn stjórnaði bátnum með stjórntækjum á stjórnborðs miðsíðu. Þegar netin höfðu runnið út fór skipstjóri aftur í skut til að koma belgnum fyrir borð en steig þá í færisbugt sem var að renna út. Skipstjóri sagðist hafa stokkið í sjóinn til forðast meiðsli þegar hann fann að hertist að fætinum. Fóturinn hafi strax losnað þegar hann kom í sjóinn enda hafi trossan sokkið hægt og hann ekki farið nema einn til tvo metra undir yfirborð;
  • að þegar vélin var stöðvuð kallaði skipstjórinn í hásetan og sagði honum að hringja í næsta bát sem var að draga netin skammt undan. Skipstjóri Álfs SH skar netin frá þegar hann fékk boðin og setti á fulla ferð á slysstað og náði skipverjanum úr sjónum;
  • að sögn skipstjóra var hásetinn vanur sjómaður sem hafði verið á stærri bátum en farið með sér í tvo túra áður og ekkert verið kynnt stjórntæki bátsins. Hann sagði að eftirleiðis fengju allir sem færu á sjó með honum tilsögn um meðferð bátsins svo sambærilegt atvik gerist ekki aftur.
 
 

 Nefndarálit
 
Orsök atviksins var gáleysi skipstjóra að stíga inn á svæði á þilfarinu án fyllstu aðgæslu þar sem veiðafæri voru að renna fyrir borð.
 
Nefndin áminnir skipstjórnarmenn um skyldur þeirra að nýliðum sé leiðbeint um störf þau sem hann á að sinna. Enn fremur skal honum sýndur björgunar- og viðvörunarbúnaður sem á skipinu er og leiðbeint um grundvallaratriði við notkun þeirra. Nefndin telur nauðsynlegt að þar sem eru tveir eða fleiri menn í áhöfn að annar en skipstjórinn hafi færni í stjórn bátsins.
 
 

 Tillögur í öryggisátt
 
Nefndin vill beina þeim tilmælum til stjórnvalda að settar verði reglur sem kveða á um að þeir sjómenn sem vinna úti á þilfari séu ávallt búnir björgunarvestum við störf sín.
 
 
Prentvæn útgáfa
  Til baka Til baka Upp Upp 
EnglishFlokkunFundirLeitNefndinTenglasafnTilkynnaTillögurTölfræði Upphafssíða
  
Velkomin(n) [18.207.157.152] mánudagur 08. ágúst 2022 15:25 GMT
Flugvallarvegi 7 sími: +(354) 511 6500
101 Reykjavík fax: +(354) 511-6501
Iceland e-mail: RNSARNSAis