Hinn 25. nóvember 2000 var m.s. Villach á siglingu til Grundartangahafnar. Veður: austlæg átt 4 vindstig.

Var skipinu siglt inn Hvalfjörð og ætlaði skipstjóri að fara vel inn fyrir bryggjuna á Grundartanga áður en hann sneri skipinu að henni. Var skipinu siglt á 2,5 sml. hraða og snúið til norðurs og átti síðan að snúa til vesturs að bryggjunni en í því strandaði skipið. Var hálffallið út þegar skipið strandaði og sat það fast. Skipið var fulllestað.

Skipverjar mældu sjávardýpi umhverfis skipið og var þá ljóst að það stóð í framendann. Var dælt sjó í aftari kjölfestugeyma og skutþró til að breyta stafnhallanum áður en reynt var að draga það á flot.

Skipið náðist á flot á næsta flóði með aðstoð tveggja dráttarbáta. Talsverðar skemmdir urðu á botni skipsins

• að skipstjóri sagði að ástæða strandsins hafi verið að hann sneri skipinu of seint til vesturs (til bakborða);
• að um borð í skipinu var til nýlegt hafnarkort af höfninni á Grundartanga;
• að skipstjóri sagði að hann hefði komið yfir tuttugu sinnum til Grundartanga en í síðustu ferð skipsins hefði hann lent of nálægt bryggjunni og lent á horni hennar með síðu skipsins. Hann hefði ætlað að koma í veg fyrir það með því að fara aðeins inn fyrir bryggjuna áður en hann sneri skipinu að henni;
• að ratsjá og dýptarmælir voru í gangi en ekki fylgst reglulega með þeim;
• að skipstjóri sagðist ekki kvarta undan höfninni á Grundartanga en mikil ljósadýrð gæti villt um fyrir mönnum. Taldi hann að það gæti orðið til bóta ef sett væru rauð eða græn leiðarljós á bryggjuna er leiddu aðeins fyrir austan hana svo að skip lendi ekki á bryggjuhorninu

Nefndin telur að ónákvæmni í stjórnun skipsins hafi orsakað strandið.

Nefndin telur að ástæða sé til að taka alvarlega ábendingu skipstjóra um leiðarljós er leiddu upp með norðausturkanti bryggjunnar. Er þetta sérstaklega þýðingarmikið þegar sterkir austlægir vindar blása í Hvalfirði.